يسالنى اخر اخبارى

يسألني آخر أخباري؟ وأنا أخباري تسألني

ويردد كيفها أحوالك .. وأنا تعبانه أحوالي



تصدق من جهلت اسمك وكن الكون جاهلني

وأنا لو كنت مع ربعي .. وحيد وعايش لحالي



حبيبي شوف دمعاتي على الخدين تهملني

مثل ذاك اليتيم اللي جفاه العم والخالي



حبيبي وينك ووين الغرام اللي يكملني

لأني ناقص ببعدك وزاد الشوق غربالي



تشوف الوقت هذا الوقت يهملني ويمهلني

ورغم هذا أنا صابر عشانك يابعد حالي



ترى ماغيرك انت اللي سكن قلبي وشاغلني

ترى أخاف من ذيك الظنون اللي على بالي



أخاف تطري الفرقا وترحل ماتعلمني

وأصير اضحوكتن للناس عذالك وعذالي



تعال اقرب ابيك .. وخل عنك لاتجاملني

اذا ماكنت تغليني مثل ماأغليك عزالي



تراني قبل لااكلمك أو تكلمني

مشاعر تايهه تبحث بمعنى الحب عن والي



ورتبنا مشاعرنا .. وجيت الحين تسالني

عن أخباري .. كأني داله سالي



وأنا اللي من سوى حبك بهالدنيا مغربلني

وتنشدني عن أحوالي .. كأني من العنا خالي



حبيبي حبك بيبطي على هالحال مشغلني

مادامك عالي بعيني أشوفك يالغلا غالي