بحبها ومش قادر أقولها

بحبها ومش قادر أقولها
مع انها حاسة بحبى لها
وانا جنبها ببقى نفسى أقولها
وأنا شايف عنيها ببقى مجنون بحبها
ونفسى ابوح لها بحبى لها
إللي كاتمه فى قلبي
وان على لسانى دايما اسمها
وطول الليالى زايد غرامى
فى صحوى ومنامى
دايما ادامى

بحبها ومش قادر أقولها

بحبها بكل روحى
دى هى اللى ساكنة جروحى
وسحرانى بعيونها
اللى خدونى
وخلونى أسير فى حبها
وسعيد وأنا فى قربها

بحبها ومش قادر أقولها

وانا معاها ببقى خايف لتضيع منى
دى هى اللى فى القلب والننى
ووطول اللياللى فى خيالى
وبعد النجوم ولا يجينى نوم
وصوتها بيرن فى ودانى

بحبها ومش قادر أقولها

هتسألونى ليه خايف تقول
انا مش خايف لكن
فين الشغل والفلوس
اللى هتخلينى أقول
وأزيح من على قلبى همه
اللى متروس
ولغاية الوقت ده ماييجى
مش هقدر أقول
علشان يمكن يجلها عريس
متروس فلوس
وترتبط بيه وأبقى أنا المنحوس
ولأنى بحبها وبدوب فى قلبها
هتمنى ليها السعادة حتى لو مع غيرى
وهخليها تنسانى وتنسى أيامى
ومش هخليها تستنانى
ولا حتى تتمنانى
الا وانا شغال و عايش بمجهودى
وسعتها هقولها انى بحبها
ومقدرش أعيش فى بعدها
واوهبلها العمر كله
وحياتى هدية لها